არალეგალ მიგრანტებზე ამნისტია აღარ გავრცელდება. ამის შესახებ რესპუბლიკელთა საპრეზიდენტო კანდიდატმა დონალდ ტრამპმა ფენიქსში ამომრჩევლებთან შეხვედრისას განაცხადა.
„თუ პრეზიდენტი გავხდები, არალეგალური ემიგრაციის ცირკულაცია დასრულდება. შეიქმნება დეპორტაციის სპეციალური დეპარტამენტი, რომელიც არალეგალებს ქვეყნის ტერიტორიას დაატოვებინებს. ასევე გაუქმდება ყველა ის მექანიზმი, რომლის საშუალებითაც არალეგალები ამერიკის მოქალაქეობას იღებენ,“-აღნიშნა ტრამპმა.
