ბოლო მონაცემებით, მარნეულის მუნიციპალიტეტის სოფელ სადახლოში, ქორწილში მოწამლულთა რაოდენობა 200-მდე გაიზარდა ყველა მათგანი ქორწილში იმყოფებოდა. მასობრივი ინტოქსიკაციის სავარაუდო მიზეზი საკვები ან სასმელია.
მოწამლულები გვიან ღამით მარნეულის რაიონულ საავადმყოფოებში მოათავსეს, მათ შორის არიან ბავშვებიც. ექიმების თქმით, პაციენტების მდგომარეობა ამ ეტაპზე სტაბილურია. მათი ნაწილი სასწრაფო სამედიცინო დახმარების ჯგუფებმა მარნეულის საავადმყოფოებიდან რუსთავში და თბილისში გადმოიყვანეს.
მარნეულის საავადმყოფოში მოთავსებული მოწამლულები წუხელ საქართველოს პრემიერ-მინისტრმა გიორგი კვირიკაშვილმა მოინახულა. პრემიერი მათი ჯანმრთელობის მდგომარეობით დაინტერესდა და მომხდართან დაკავშირებით შესაბამის სტრუქტურებს საქმის გამოძიება სთხოვა.
