საქართველოს პრეზიდენტმა გიორგი მარგველაშვილმა საქართველოს მოსახლეობას კონსტიტუციის დღე მიულოცა.
როგორც პრეზიდენტმა პროექტის - "მე და კონსტიტუცია" მონაწილეებთან შეხვედრაზე განაცხადა, არსებობდა ინიციატივა, რომ 24 აგვისტო გამოცხადდეს უქმედ დღედ, თუმცა ეს ინიციატივა ჯერ განხორციელებული არ არის.
"ჩვენ გვქონდა ინიციატივა, რომ ეს დღე გამოცხადდეს უქმედ და ალბათ რაღაც კონკრეტულ მომენტში ჩვენ ამას მივაღწევთ. 24 აგვისტოს არის დღე, როდესაც შეიქმნა საქართველოს კონსტიტუცია, დოკუმენტი თავისუფალი ადამიანების გაერთიანებისა, სადაც თითოეული მოქალაქის თავისუფლება არის დაცული. ამავე დროს თითოეული მოქალაქე იცავს სხვა ადამიანების თავისუფლებას და ასე ერთობლივი ცხოვრებით, ერთმანეთის დაცვით ვქმნით თავისუფალ სახელმწიფოს და თავისუფალ ქვეყანას”, - განაცხადა გიორგი მარგველაშვილმა.
როგორც გიორგი მარგველაშვილმა განაცხადა, 21 წლის წინ საქართველოს პარლამენტმა მიიღო უმნიშვნელოვანესი დოკუმენტი ქართული სახელმწიფოსთვის, სახელმწიფო კონსტიტუცია.
