პოლიტიკურმა გაერთიანებამ „ქართული ოცნება - საქართველო“ 1-3 ივლისს მორიგი სატელეფონი კვლევა ჩაატარა.
როგორც „ჯი-ეიჩ-ენისთვის“ მოწოდებული კვლევის შედეგების ამსახველ ცხრილშია მოცემული, გამოკითხულია 1000 რესპოდენტი.
„ქართული ოცნების“ ინტერესს ამჯერად წარმოადგენდა იმის გარკვევა, არჩევნების შემდეგ რომელი პოლიტიკური პარტიას რა როლი ექნება.
კითხვა შემდეგი სახით იყო ფორმულირებული: თქვენი აზრით, რა როლი ექნება პოლიტიკურ პარტიას არჩევნების შემდეგ?
გამოკითხვაში მონაწილე რესპოდენტებიდან 267 ანუ 26,7% მიიჩნევს, რომ „კვირიკაშვილი-ქართული ოცნება“ - იქნება ხელისუფლებაში და დააკომპლექტებს მთავრობას, 66,6% -ის აზრით დღევანდელი მმართველი ძალა იქნება საპარლამენტო ოპოზიციაში, 49 რესპოდენტის, ანუ 4,9%-ის აზრით - არასაპარალემენტო ოპოზიციაში, ხოლო 18 რესპოდენტს (1,8%) კითხვაზე პასუხი არ აქვს.
იმავე კითხვაზე პასუხად რესპოდენტების ხმები „ბაქრაძე - ერთიანი ნაციონალური მოძრაობის“ შემთხვევაში შემდეგი სახით განაწილდა:
30,7% (307 რესპოდენტი) პასუხობს - „ხელისუფლება- მთავრობა“;
49,2% (492 რესპოდენტი) – „საპარლამენტო ოპოზიცია“;
15,2% (152 რესპოდენტი) – „არასაპარლამენტო ოპოზიცია“
4,9% (49 რესპოდენტი) – „არ მაქვს პასუხი“.
გამოკითხვის შედეგების მიხედვით, რესპოდენტების 7,2% მიიჩნევს, რომ ხელისუფლებაში მოვლენ „ალასანია - თავისუფალი დემოკრატები“, ხოლო 4,8% - „უსუფაშვილი- რესპიბლიკური პარტია“.
მათ შორის, ვისაც რესპოდენტები ხელისუფლებაში მოსვლას უწინასწარმეტყველებენ არიან: ბურჯანაძე - დემოკრატიული მოძრაობა- ეროვნული ფორუმი (კონფიგურაცია ფორმულირებულია დამკვეთის მიერ) – 1,5%; ინაშვილი- პატრიოტთა ალიანის- გაერთიანებული ოპოზიცია (კონფიგურაცია ფორმულირებულია დამკვეთის მიერ) – 1,3%; ჯაფარიძე - აპც გირჩი - 1.1%; ბურჭულაძე - სახელმწიფო ხალხისთვის - 08%; ნათელაშვილი - ლეიბორიტული პარტია - 0,6%.
რესპოდენტების ყველაზე დიდი რაოდენობა 71,3% არასაპარლამეტო ოპოზიცაში ყოფნას რესპუბლიკურ პარტიას უწინასწარმეტყველებს“. ხოლო საპარალამეტო ოპოზიციაში ყოფნის მაჩვენებელი ყველაზე მეტი აქვს „ალასანია - თავისუფალ დემოკრატებს“ – 82,7%.
ყველაზე მეტმა რესპოდენტმა - 12,5% თავი აარიდა პასუხს „ჯაფარიძე - აპც გირჩის“ პოლიტიკურ მომავალთან დაკავშირებით.
შეგახსენებთ, რომ „ჯი-ეიჩ-ენი“ მეოთხედ აქვეყნებს ქართული ოცნების შიდა კვლევებს, რომელიც ჩვენი ინფორმაციით, ყოველი თვის დასაწყისში ტარდება. კვლევის ე.წ. „პროსტინებს“ სააგენტო „ქართულ ოცნებაში“ საკუთარი წყაროსგან იღებს.
„ქართული ოცნების“ ხელმძღვანელობაში ამ სახის კვლევების ჩატარებას კატეგორიულად უარყოფენ და სააგენტოს ტენდენციურობასა და დაკვეთის შესრულებაში მიუთითებენ.
ამავდროულად, იმ პირობებში როდესაც, „ოცნების“ ლიდერები აცხადებდნენ, რომ ისინი ამ სახის კვლევებს არ ატარებენ, "ქართული ოცნების" დამფუძლებელმა, ბიძინა ივანიშვილმა, მედიასთან შეხვედრისას დაადასტურა, რომ კვლევები ყოველთვიურად ტარდება. შესაბამისად, სააგენტოს არ აქვს არავითარი საფუძველი, თავი შეიკავოს მისთვის მოწოდებული კვლევების გამოქვეყნებისგან.
