აშშ-ის პრეზიდენტმა ბარაკ ობამამ დემოკრატიული პარტიიდან პრეზიდენტობის კანდიდატს ჰილარი კლინტონს პრაიმერების შედეგად გამარჯვება მიულოცა, განაცხადა თეთრი სახლის ოფიციალურმა წარმომადგენელმა ჯოშ ერნესტმა.
“მისი ისტორიული კამპანია შთაგონების წყაროდ იქცა მილიონობით ადამიანისთვის და გახდა საშუალო კლასის ოჯახებისა და ბავშვების უფლებების დასაცავად მისი ბრძოლის გაგრძელება”, - განაცხადა ჯოშ ერნესტმა.
ჯოშ ერნესტმა ბარაკ ობამას სახელით მადლობა გადაუხადა დემოკრატიული პარტიის კიდევ ერთ წევრს და ჰილარი კლინტონის მთავარ მეტოქეს ბერნი სანდერს, რომელსაც პრეზიდენტი 9 ივნისს შხვდება.
“პრეზიდენტი მადლობას უხდის სენატორ სანდერს იმისთვის, რომ მან მილიონობით ამერიკელი ეკონომიკური უთანასწორობის წინააღმდეგ ბრძოლისთვის განაწყო”, - განაცხადა ჯოშ ერნესტმა.
ჰილარი კლინტონმა დემოკარტიული პარტიის მიერ პრეზიდენტობის ოფიციალურ კანდიდატად წარსადგენად დელეგატების საკმარისი რაოდენობის ხმა დააგროვა.
