ავღანეთის ხელისუფლების ცნობით, 8 მაისს
ქაბულის ციხეში ექვსი თალიბი პატიმარი ჩამოახრჩეს. ,,რადიო თავისუფლების“ ცნობით, ესაა სიკვდილით დასჯის პირველი შემთხვევაა 2014 წლის შემდეგ, რაც ქვეყნის პრეზიდენტის პოსტი აშრაფ ღანიმ დაიკავა .
ადგილობრივი მედიის ინფორმაციით, სასიკვდილო განაჩენი სისრულეში მოიყვანეს პოლ -ე ჩარკის ციხეში. ავღანეთის პრეზიდენტის ადმინისტრაციის განცხადებაში ნათქვამია, რომ "ქვეყნის კონსტიტუციის თანახმად, აშრაფ ღანიმ დაამტკიცა სასიკვდილო განაჩენის 6 ტერორისტის მიმართ, რომლებმაც სასტიკი დანაშაული ჩაიდინეს მოქალაქეთა და საზოგადოების უსაფრთხოების წინაშე“. აშრაფ ღანი სულ უფრო მკაცრ დამოკიდებულებას ამჟღავნებს ექსტრემისტების მიმართ, განსაკუთრებით მას შემდეგ, რაც გასულ თვეში თალიბანის მიერ ორგანიზებულ ტერაქტებს ქაბულში 64 ადამიანის სიცოცხლე შეეწირა.
