სირიაში გათავისუფლების შემდეგ, ესპანელი ჟურნალისტები სამშობლოში დაბრუნდნენ. ისინი ესპანეთის არმიის კუთვნილი თვითმფრინავით მადრიდის მახლობლად მდებარე ავია ბაზაზე დაეშვნენ.
სამი ჟურნალისტი გასული წლის ზაფხულში გაიტაცეს. ისინი არიან რეპორტიორი ანტონიო პამპლიეგა, ფოტოკორესპონდენტი ხოსე მანუელ ლოპესი და ოპერატორი ანჰელ სასტრე. ესპანეთის მთავრობის ინფორმაციით, ჟურნალისტების გათავისუფლებაში მონაწილეობა მიიღეს თურქეთმა, ყატარმა და სხვა მოკავშირე ქვეყნებმა.
