ყოფილ საბჭოთა რესპუბლიკებს ვლადიმერ პუტინი ფაშიზმზე გამარჯვების დღეს ულოცავს. განცხადება კრემლის ოფიციალურ ვებ-გვერდზე გამოქვეყნდა. მილოცვა განკუთვნილია საქართველოს მოქალაქეებისთვის და ცალკე გამოყოფილია აფხაზეთისა და ე.წ. სამხრეთ ოსეთის „მოქალაქეები“.
ვლადიმერ პუტინის თქმით, სამამულო ომში გამარჯვების დღე სამუდამოდ დარჩება ერების გაერთიანების სიმბოლოდ. მისივე აზრით, არ შეიძლება, დაუშვან საერთო ისტორიის გადახედვა და წარსულის ტრაგიკული მოვლენების განმეორება.
