აშშ-ის საპრეზიდენტი არჩევნებზე დონალდ ტრამპის მოწინააღმდეგე რესპუბლიკელების რაოდენობა იზრდება. ფლორიდის ყოფილმა გუბერნატორმა, ჯებ ბუშმა მამის და ძმის ჯორჯ ბუშ უფროსის და ჯორჯ ბუშ უმცროსის პარალელურად გააკეთა განცხადება, რომ არ აპირებს მხარი დაუჭიროს დონალდ ტრამპს.
ტრამპის მხარდაჭერაზე ასევე, უარი განაცხადა აშშ-ის კონგრესის წარმომადგენელთა პალატის სპიკერმა, რესპუბლიკელმა, პოლ რაიანმა.
ზოგიერთმა რეპუბლიკელმა, ღიად განაცხადა რომ საპრეზიდენტო არჩევნებში მხარს დაუჭერენ ჰილარი კლინტონს, თუმცა ჯებ ბუში კლინტონის მხარდაჭერას არ აპირებს.
ტრამპის მხარდაჭერაზე ასევე უარი განაცხადეს მასაჩუსეტის ყოფილმა გუბერნატორმა და აშშ-ის პრეზიდენტობის ყოფილმა კანდიდატმა ნიტ რომნიმ და გავლენიანმა სენატრომა, ბენ სასემ.
„ბატონი ტრამპი დაჟინებით ცდილობს ამერიკელების გახლეჩვას, გაყოფას და მის გეგმებში არ შედის ჩვენი ბრწყინვალე ქვეყნის აღორძინება“, - განაცხადა სასემ.
ამ ეტაპზე უცნობია, რეპუბლიკელთა სამი კანდიდატის - ტეტ კრუზის, მარკ რუბიოსა და ჯონ კეისიკის პოზიციები.
რაც შეეხება ასევე ყოფილ კანდიდატს, ლინდსი გრემს, მან ღიად განაცხადა უარი მილიარდერის მხარდაჭერაზე.
მრავალი რესპუბლიკელი, რომელიც აპირებს ადგილობრივი ორგანოების არჩევნებში მონაწილეობას, შეშფოთებულია იმის გამო, რომ მათი სახელები იქნება იმავე ბიულეტენში, სადაც ტრამპის სახელია, რამაც, შესაძლოა, ნეგატუიური გავლენა მოახდინოს არჩევნების შედგებზე.
რეპუბლიკელები ფიქრობენ, რომ შესაძლოა, ტრამპმა მთელი პარტია ჩაძიროს.
