სირიაში დევნილთა ბანაკზე ავიადარტყმები განხორციელდა. უფლებადამცველები და აქტივისტები სირიის ჩრდილოეთ ნაწილში დევნილთა ბანაკზე განხორციელებული ავიადარტყმის შედეგად ათობით გარდაცვლილის შეახებ იტყობინებიან. სირიის ადამიანის უფლებათა მონიტორინგის ცენტრის ინფორმაციით, გარდაცვილილია სულ მცირე 30 ადამიანი. მსხვერპლთა შორის არიან ბავშვებიც.
საჰაერო დარტყმა თურქეთის საზღვართან, იდლიბის პროვინციის ქალაქ სარმადასთან მდებარე ბანაკზე განხორციელდა. დაშავებულია ათობით ადამიანი. როგორც ,,ბიბისი“ წერს, დაუდასტურებელი ინფორმაციით, საჰაერო დარტყმა რუსულმა ან სირიის სამთავრობო ავიაციამ განახორციელა.
