აშშ-ის წარმომადგენელთა პალატის სპიკერი პოლ რაიანი დონალდ ტრამპის მხარდაჭერაზე უარს აცხადებს. რაიანმა აღნიშნა, რომ ამ ეტაპზე არ შეუძლია მხარი დაუჭიროს ტრამპს, როგორც რესპუბლიკური პარტიის პრეზიდენტობის კანდიდატს.
„ვფიქრობ, რომ მრავალ რესპუბლიკელს სურს ჩვენს რჩეულ ადამიანში ნახონ ის, ვინც იზიარებს ჩვენს სტანდარტებს“, - განაცხდა რაიანმა, რომელიც დღეისთვის ყველაზე მარალჩინოსანი რესპუბლიკელია არჩევით თანამდებობაზე.
მისი თქმით, ტრამპი კანდიდატობის ღირსია, მაგრამ მან დიდი ძალისხმევა უნდა გამოიჩინოს პარტიის გასაერთიანებლად.
რაიანი 2012 წელს მიტ რომნისთან ერთად კენჭს იყრიდა აშშ-ის ვიცე-პრეზიდენტად.
უნდა აღინიშნოს რომ აშშ-ის ყოფილმა პრეზიდენტებმა ჯორბ ბუშმა და ჯორჯ ბუშ-უმცროსმა ასევე განაცხადეს, რომ არ აპირებენ ტრამპის მხარდაჭერას.
შეგახსენებთ, რომ ოჰაიოს შტატის გუბერნატორი ჯონ კეისიკი, დონალდ ტრამპის ბოლო მოწინააღმდეგე რესპუბლიკური პარტიიდან, აშშ-ის პრეზიდენტის არჩევნების კადიდატობის უფლების მოპოვების მარათონს ჩამოშორდა.
უფრო ადრე საპრეზიდენტო კანდიტატობის მარათონს ტეხასელი სენატორი ტედ კრუზი ჩამოშორდა, რომელმაც ტრამპთან პრაიმერიზი ინდიანაში წააგო.
შესაბამისად, მილიარდელი დონალდ ტრამპი, რომელიც ისედაც ლიდერობდა, დარჩა ერთადერთ კანდიდატად რესპუბლიკური პარტიიდან აშშ-ის პრეზიდენტის პოსტზე.
როგორც ამერიკელი ანალიტიკოსები აცხადებენ, ტრამპს შერკინება დემოკრატების კანდიდატ ჰილარი კლინტონთან მოუწევს.
„რამდენიმე რესპუბლიკელმა ლიდერმა უკვე განაცხადა რომ მხარს არ დაუჭერენ დონალდ ტრამპს და უფრო მეტიც, მათ მიანიშნეს რომ ემხრობიან ჰილარი კლინტონს“, - წერს ბი-ბი-სი.
