ოჰაიოს შტატის გუბერნატორი ჯონ კეისიკი, დონალდ ტრამპის ბოლო მოწინააღმდეგე რესპუბლიკური პარტიიდან, აშშ-ის პრეზიდენტის არჩევნების კადიდატობის უფლების მოპოვების მარათონს ჩამოშორდა. შესაბამისი ინფორმაცია საკუთარ წყაროზე დაყრდნობით ტელეარხმა NBC-მ და სააგენტო „ასოშეიტედ პრესმა“ თითქმის ერთდროულად გაავრცელეს.
იმის მიუხედავად, რომ კეისიკი საკმაოდ პოპულარულ გუბერნატორად მიიჩნევა, მან მხოლოდ საკუთარ შტატში მოიპოვა მხარდაჭერა.
უფრო ადრე საპრეზიდენტო კანდიტატობის მარათონს ტეხასელი სენატორი ტედ კრუზი ჩამოშორდა, რომელმაც ტრამპთან პრაიმერიზი ინდიანაში წააგო.
შესაბამისად, მილიარდელი დონალდ ტრამპი, რომელიც ისედაც ლიდერობდა, დარჩა ერთადერთ კანდიდატად რესპუბლიკური პარტიიდან აშშ-ის პრეზიდენტის პოსტზე.
როგორც ამერიკელი ანალიტიკოსები აცხადებენ, ტრამპს შერკინება დემოკრატების კანდიდატ ჰილარი კლინტონთან მოუწევს.
„რამდენიმე რესპუბლიკელმა ლიდერმა უკვე განაცხადა რომ მხარს არ დაუჭერენ დონალდ ტრამპს და უფრო მეტიც, მათ მიანიშნეს რომ ემხრობიან ჰილარი კლინტონს“, - წერს ბი-ბი-სი.
