მოლდოვის დედაქალაქში პოლიციასა და დემონსტრანტებს შორის შეტაკება მოხდა. გავრცელებული ინფორმაციით, შეტაკების შედეგად არიან დაშავებულები, მათ შორის 14 სამართალდამცველია, ოთხი მათგანი საავადმყოფოშია გადაყვანილი. ასევე სამედიცინო დახმარება დასჭირდა ორ მომიტინგეს.
შვიდი ათასამდე დემონსტრანტმა კიშინიოვის ცენტრში მსვლელობა გამართა, რის შემდეგაც მთავრობის შენობასთან შეიკრიბა. ადგილზე მობილიზებული იყო პოლიცია. აქციის მონაწილეებმა სამართალდამცველებს კვერცხები და ქვები ესროლეს.
დემონსტრანტები მთავრობას ოლიგარქების ლობირებაში ადანაშაულებენ. კიშინიოვში გამართულ საპროტესტო გამოსვლაში მონაწილეობაზე უარი თქვეს ოპოზიციონერმა პოლიტიკოსებმა და პოლიტიკურმა პარტიებმა. მიზეზად მათ ბზობა დაასახელეს.
