აშშ-ის პრეზიდენტი ბარაქ ობამა გამორიცხავს ამერიკული სახმელეთო ძალების გამოყენებას სირიაში. ,,ბიბისის“ ინფორმაციით, მან განაცხადა, რომ ამ ქვეყანაში პრობლემების გადაჭრა შეუძლებელია მხოლოდ საომარი მეთოდებით.
„ეს იქნებოდა შეცდომა აშშ-სთვის, ან დიდი ბრიტანეთისთვის.. სახმელეთო ჯარების გაგზავნა და ასადის რეჟიმის ჩამოგდება“, - განაცხადა აშშ-ის ლიდერმა. მისი ცნობით, საერთაშორისო კოალიცია აშშ-ის ხელმძღვანელობით, გააგრძელებს ტერორისტული დაჯგუფება „ისლამური სახელმწიფოს“ პოზიციებზე დარტყმების მიტანას.
ობამას თქმით, საერთაშორისო საზოგადოებამ უნდა გააგრძელოს ზეწოლა ე.წ. ზომიერ ოპოზიციაზე, ასევე რუსეთსა და ირანზე, რათა ისინი მოლაპარაკებების მაგიდასთან დასხნენ და სირიაში გარდამავალი მთავრობის შექმნაზე შეთანხმდნენ.
