საქართველოსა და კორეის პარლამენტებს შორის თანამშრომლობის მემორანდუმს ხელი მოეწერა. საქართველოში კორეის რესპუბლიკის ეროვნული ასამბლეის თავმჯდომარე იმყოფება, რომელიც დავით უსუფაშვილს შეხვდა.
შეხვედრის შემდეგ ორივე ქვეყნის პარლამენტის თავმჯდომარეებმა ერთობლივი პრესკონფერენცია გამართეს.
"კორეა ერთ-ერთი ყველაზე ძლიერი ეკონომიკის მქონე ქვეყანაა. მნიშვნელოვანია, რომ ურთიერთთანამშრომლობის მემორანდუმი გაფორმდა. დარწმუნებული ვარ, მემორანდუმი საშუალებას მისცემს საქართველოს, მეტად განვითარდეს", - განაცხადა დავით უსუფაშვილმა.
კორეის პარლამენტის თავმჯდომარის განცხადებით, საქართველოში საპასუხო ვიზიტით იმყოფებიან.
"ჩვენ ერთობლივად უნდა ვიმუშაოთ და, როდესაც ერთად ვიქნებით, უნდა შევქმნათ ისეთი ადგილები, სადაც ბედნიერად იცხოვრებს ხალხი. საქართველომ შეინარჩუნა თავისი საოცარი ლანდშაფტი. კორეა შეეცდება, რომ სხვა ქვეყნებს დაეხმაროს, რადგან ჩვენც დაგვეხმარნენ. ჩვენ მოვაწერეთ ხელი მემორანდუმს. ჩვენი პარლამენტების თანამშრომლობა ძალიან მნიშვნელოვანია ქვეყნების განვითარებისთვის. ჩვენი პარლამენტები იმუშავებენ ერთად, მათ შორის ელექტრონულ პარლამენტში. საქართველოს პარლამენტის თავმჯდომარე თავის საქმეს საუკეთესოდ უძღვება", - განაცხადა ჩუნგ უი ჰვამ.
