იაპონიის ხელისუფლებამ მიწისქვეშა ბიძგების განმეორების საფრთხის გამო 250 ათასი მოქალაქის ევაკუაცია დაიწყო. გასულ კვირას კუნძულ კიუსიუზე მომხდარი ორი ძლიერი მიწისძვრის შედეგად სულ მცირე 42 ადამიანი დაიღუპა. იაპონიის მეტეოროლოგიური სააგენტოს პროგნოზით, უახლოეს დღეებში ახალი მიწისქვეშა ბიძგებია მოსალოდნელი.
საქველმოქმედო ორგანიზაცია “წითელმა ჯვარმა” სტიქიის ზონაში დამატებითი მედიკოსები გაგზავნა. სტიქიის შედეგად იაპონიაში დაშავებულია ათასზე მეტი ადამინი, დანგრეულია შენობები, გზები და ხიდები. 11 ადამიანი დაკარგულად ითვლება.
