ეკვადორში ძლიერი მიწისძვრა მოხდა. 7,8 მაგნიტუდის ბიძგები ქვეყნის სანაპიროზე ღამის საათებში მოხდა. მიწისძვრის ეპიცენტრი დედაქალაქ კიტოდან 170 კმ-ის დაშორებით იყო. ბოლო ინფორმაციით, დაღუპულია 77 ადამიანი, დაშავდა 588.
ეკვადორში საგანგებო მდგომარეობაა გამოცხადებული. ეს მიწისძვრა 1979 წლის შემდეგ ყველაზე ძლიერი იყო. სტიქიამ ქვეყანა მნიშვნელოვნად დააზარალა, არსებობს ცუნამის საფრთხე.
