ოდესის გუბერნატორის მიხეილ სააკაშვილის განცხადებით, პრეზიდენტ პეტრე პოროშენკოს დნეპროპეტროვსკის ყოფილი გუბერნატორი იგორ კოლომოისკი მისი თანამდბეობიდან გათავისუფლების მოთხოვნას უყენებს. სააკაშვილს ,,ფეისბუქის“ საკუთარ გვერდზე, არნიშნულის დასადასტურებლად სააგენტო “სტრანა.უა”-ს სტატია მოჰყავ, სადაც საუბარია, რომ რადაში კოლომოისკის წარმომადგენლები პეტრო პოროშენკოს დაეხმარნენ გროისმანის მთავრობის დამტკიცებაში. სტატიის ავტორის მტკიცებით, ხმების სანაცვლოდ იგორ კოლომოისკიმ პეტრო პოროშენკოს რამდენიმე მოთხოვნა წაუყენა, მათ შორის ოდესის გუბერნატორის თანამდებობიდან მიხეილ სააკაშვილის გათავისუფლება და ოდესის პროკურორად ნიკოლაი სტოიანოვის დატოვება.
“საინტერესო სტატიაა. ის რომ კოლომოისკის პრეზიდენტისადმი მთავარი მოთხოვნა ჩემი ოდესის საოლქო ადმინისტრაციის ხელმძღვანელის თანამდებობიდან გათავისუფლებაა, დიდი ხანია ცნობილია. ეს იმ ადამინების ცნობისთვის, ვინც ინტერესდება, რას ვაკეთებდით მე და ჩემი გუნდი ოდესაში - სულ მცირე არ ვუშვებდით ოლიგარქულ და ბანდიტურ განუკითხავობას”, - წერს მიხეილ სააკაშვილი.
11 აპრილს ოდესის გუბერნატორმა და მისმა გუნდმა უკრაინის პრეზიდენტ პეტრო პოროშენკოს ულტიმატუმი წაუყენეს. სააკაშვილმა უმაღლეს რადას ახალი მთავრობის შემადგენლობის დამტკიცებაზე უარის თქმისკენ მოუწოდა, წინააღმდეგ შემთხვევაში მისი გუნდის ოპოზიციაში გადასვლა დაანონსა.
უკრაინის ახალ პრემიერ-მინისტრს, ვლადიმირ გროისმანს აშშ-ის ვიცე-პრეზიდენტმა, ჯო ბაიდენმა მოუწოდა სწრაფად გაატაროს რეფორმები. თეთრი სახლის განცხადების თანახმად, ბაიდენმა გროისმანს მიულოცა თანამდებობის დაკავება და მინისტრთა კაბინეტის ახალი შემადგენლობის დამტკიცება და განაცხადა, ახალი გუნდი სწრაფად უნდა წავიდეს წინ რეფორმების პროგრამაში, რათა საერთაშორისო მხარდაჭერა შეინარჩუნოსო.
