,,თავისუფალი დემოკრატების” ლიდერი მიიჩნევს, რომ არჩევნების თარიღთან დაკავშირებით არასერიოზული მიდგომა არსებობს. ირაკლი ალასანიას თქმით, აქმ საკითხში უფრო მეტი შრომა უნდა ჩაედოთ პრემიერის და პრეზიდენტის აპარატებს,
“მიუღებელია ასეთი არასერიოზული დამოკიდებულება საქმის მიმართ, არაერთხელ ავღნიშნე, რომ როდესაც ორი პოლიტიკური ლიდერი აცხადებს გარკვეულ თარიღს არჩევნებთან დაკავშირებულს, აქ უფრო მეტი შრომა ჩაედოთ აპარატებს, იმ ადამიანებს ვისაც სამართლებრივი მხარე უდნა შეემოწმებინათ, მაგრამ ახლა ბუნებრივია, ჩემთვის ასევე მნიშვნელოვანია, რომ გარკვეული იყოს რაც შეიძლება ადრე თარიღი არჩევნების და რაც ადრე დაიწყება კამპანია მით უკეთესია პოლიტიკური ძალებისთვის, რომ მოემზადონ და ჰქონდეთ შესაძლებლობა მიაწოდონ ხალხს ინფორმაცია და ხალხმა შემდეგ ინფორმირებული არჩევანი გააკეთოს“ - აღნიშნა ალასანიამ.
შეგახსენებთ, რომ პრეზიდენტის გადაწყვეტილებით წინასაარჩევნო კამპანია მასიში დაიწყება. ეს გადაწყვეტილება გიორგი მარგველაშვილმა პრემიერ კვირიკაშვილის მიერ პრეზიდენტისთვის არჩევნების დანიშვნის შესახებ განკარგულების კონტრასიგნაციამდე უკან დაბრუნების შემდეგ მიიღო. პრემიერმა თხოვნით მიმართა პრეზიდენტს წინასაარჩევნო კამპანიის დაწყების თარიღად 8 ივლისი შერჩეულიყო.
