"რესპუბლიკური პარტიის" ერთ-ერთი ლიდერი დავით ბერძენიშვილი პრეზიდენტის გადაწყვეტილებას არაადეკვატურს უწოდებს.
„კონტრასიგნაცია ისეთივე პოპულარული ტერმინია, როგორიც იყო კოჰაბიტაცია. კინტრასიგნაცია თუ მაისშიც არ იქნება პრემიერის მხრიდან, მაშინ პრეზიდენტის ფუჭი გასროლა ვის ემუქრება, ვერ გავიგე. პრეზიდენტის ეს განცხადება შექმნილი პოლიტიკური ვითარების ადეკვატური არ არის“. განაცხადა ბერძენიშვილმა.
შეგახსენებთ, კანონმდებლობი სთანახმად, თუ მთავრობა საქართველოს პრეზიდენტის სამართლებრივ აქტს არ მოიწონებს, რომელიც პრემიერ-მინისტრს კონტრასიგნაციისათვის გადაეცა, მთავრობა მოტივირებულ შენიშვნებს ამზადებს, რომლებსაც პრემიერ-მინისტრი საქართველოს პრეზიდენტს 10 დღის ვადაში საქართველოს პრეზიდენტის სამართლებრივ აქტთან ერთად გადასცემს.
პროცედურის მიხედვით, საქართველოს პრეზიდენტს შეუძლია, მომდევნო 10 დღის ვადაში, მთავრობის შენიშვნების შესაბამისად ცვლილება შეიტანოს თავის სამართლებრივ აქტში და ამ სახით ხელახლა გადასცეს იგი პრემიერ-მინისტრს კონტრასიგნაციისათვის.
„თუ მთავრობა კვლავ არ მოიწონებს საქართველოს პრეზიდენტის სამართლებრივ აქტს, საქართველოს პრეზიდენტს აღარ შეუძლია გადასცეს პრემიერ-მინისტრს კონტრასიგნაციისათვის იმავე შინაარსის სამართლებრივი აქტი მისი განმეორებით უარყოფიდან 6 თვის ვადაში“, - აღნიშნულია კანონში.
მისივე თქმით, მარტში, აპრილში ან მაისში პრეზიდენტის განკარგულების ძალაში შესვლა მედიასაშუალებებს პრობლემებს შეუქმნიდა და არ იქნებოდა კარგი საზოგადოებისთვისაც-
"ფინანსური თვალსაზრისით აპრილში, მაისში, ივნისში, ივლისში საოლქო საარჩევნო კომისისებში პარტიები დანიშნავდენენ მაღალანაზღაურებად თანამშრომლებს, რომლებსაც საქმე არ ექნებოდათ, ამიტომ ეს დამატებითი ფინანასური ტვირთი იქნებოდა. ბიუჯეტიდან მილიონები უნდა წასულიყო იმ საქმეზე, რომელიც გასაკეთებელი ვერ იქნებოდა“, - აცხადებს დავით ბერძენიშვილი.
მთავრობამ პრეზიდენტს დღეს მიმართა თხოვნით, წინასაარჩევნო პერიოდი არჩევნებამდე 2 თვის ნაცვლად 3 თვით ადრე გამოეცხადებინა, თუმცა გიორგი მარგველაშვილმა მიიღო გადაწყვეტილება, რომ წინასაარჩევნო პერიოდი 5 არჩევნებამდე 5 თვით ადრე დაიწყება.
