"ერთიანი ნაციონალური მოძრაობის" წარმომადგენელი პეტრე ცისკარიშვილი NDI-ს კვლევებს აფასებს და აღნიშნავს, რომ მაჩვენებელი, რომელიც ბიძინა ივანიშვილის მმართველობას შეეხება, კიდევ უფრო მაღალიც შეიძლება იყოს. „ბიძინა ივანიშვილის მთავარი ამოცანა, როცა ის პოლიტიკიდან „მიდიოდა“ იყო ჩამოეშორებინა პასუხისმგებლობა და არ ყოფილიყო ანგარიშვალდებული ამომრჩევლის წინაშე. მაგრამ მას ეს არ გამოუვიდა, რადგან ყველამ ძალიან აკრგად იცის, რეალურად ისაა ჩრდილოვანი დე-ფაქტო მმართველი ამ ხელისუფლების და მთავრობის. თავისი მარიონეტები ჰყავს მინისტრებად დანიშნული და ეს საზოგოადებამ კარგად იცის“, - განაცხადა ცისკარიშვილმა.
მისივე თქმით, კვლევაში აღნიშნული მონაცემის მიხედვით, იმ 66%-ის გარდა, ვინც ამას ამბობს, სხვებმაც კარგად იციან, რომ რეალური მმართველი ივანიშვილია, უბრალოდ გარკვეულწილად მათზე შიშის ფაქტორი მოქმედებს.
