გაეროში ორგანიზაციის ახალი გენერალური მდივნობის კანდიდატებთან გასაუბრების პროცესი იწყება. თუ ადრე გენერალური მდივნის კადიდატები გასაუბრებას დახურულ კარს მიღმა, უშიშროების საბჭოს წევრ რამდენიმე სახელმწიფოს წარმომადგენელთან გადიოდნენ, ამჯერად ახალი გენმდივნობის კადიდატი გაეროს ყველა წევრი სახელმწიფოს წარმომადგენელს შეხვდება.
როგორც გაეროს ოფიციალური ვებგვერდი იტყობინება, გენმდივნობის კანდიდატებს ასევე მოუწევთ პასუხების გაცემა რიგითი მოქალქეების კითხვებზე, მსოფლიოს სხვადასხვა ქვეყნებიდან, რომელთათვისაც გაეროს მომავალი მნიშვნელოვანია.
გაეროს გენმდივნობის კანიდატებიდან 6 აღმოსავლეთ ევროპიდან არის - სრდჯიან კერიმი - მაკედონია, ვესნა პუსიჩი - ხორვატია, იგორ ლუკშიჩი- ერნიგორია, დანილო ტიურკი - სლოვენია, ირინა ბოკოვა - ბულგარეთი, ნატალია გერმანი - მოლდოვა.
ასევე, სიაში არიან ანტონიუ გუტერიში - პორტუგალიიდან და ჰელენ კლარკი ახალი ზელანდიიდან.
მათ კანდიდატურებს წევრი სახელნწიფოები დღეს, სამდღიანი დიალოგის ფარგლებში, წარადგენენ.
საზოგადოების წარმომადგენლებს შესაძლებლობა აქვთ კითხვები სოციალური ქსელების მეშვეობით დასვან.
გენერალური ასამბლეის 70-ე სესიის თავმჯდომარის მორგენს ლუკეტოფის განცხადებით, გაეროს მომავალი გემდივნის არჩევა მაქსიმალური გამჭირვალეობის პირობებში მოხდება.
ბრიფინგებისას ყველა განდიდატს ექნება 2 საათი - 10 წუთი საკუთარი პროგრამის წარდგენას უნდა დაუთმონ, ხოლო დარჩენილ დროში კითხვებს უპასუხონ. შეხვედრები იქნება ღია და არაფოციალური.
კიდევ ერთი შეხვედრა კანდიდატებთან გაიმართება ივნისში. ხოლო ივლისში ახალ გენმდივანს აირჩევენ.
ახალი გემნდივანი მოვალეობის შესრულებას 2017 წლის იანვარში შეუდგება.
