საერთაშორისო უფლებადამცველმა ორგანიზაციამ, Freedom House-მა გამოაქვეყნა ანგარიში „სახელმწიფოები გარდამავალ პერიოდში- 2016,“ რომლის თანახმად, ქართულ პოლიტიკაში კვლავ ჩართულები არიან ბიძინა ივანიშვილი და მიხეილ სააკაშვილი.
დოკუმენტში აღნიშნულია, რომ მილიარდერი და ყოფილი პრემიერ-მინისტრი ბიძინა ივანიშვილი, რომელმაც 2011 წელს “ქართული ოცნება” დააფუძნა, ქართულ პოლიტიკურ ცხოვრებაში მნიშვნელოვან როლის შემსრულებლად მიიჩნევა.
„სახელმწიფო საქმეებში მიის მონაწილეობის გარშემო არსებული გაურკვევლობა დაძაბულობის მუდმივი წყაროა. გაურკვევლობის გამო, კრიტიკოსები მთავრობის ყველაზე ნეგატიურ ნაბიჯებს, ჩვეულებრივ, ივანიშვილის გავლენის მტკიცებულებად ასახელებენ. ამის მიუხედავად, მთავრობასთან ივანიშვილის ურთიერთობებთან დაკავშირებული გაურკვევლობა მისი გავლენის შეფასებას ართულებს”, - აღნიშნულია დოკუმენტში.
რაც შეეხება ოპოზიციას, დოკუმენტის ავტორები აცხადებენ, რომ ყოფილი პრეზიდენტი მიხეილ სააკაშვილი „ერთიანი ნაციონალური მოძრაობაში“ გადაწყვეტილების მიღების პროცესში კვლავ ჩართულია, იმის მიუხედავად, რომ საქართველოს მოქალაქეობა უკრაინული პასპორტის მიღების გამო ჩამოართვეს.
