,,პატრიოტთა ალიანსის“ ერთ-ერთი ლიდერი თარხან გასვიანი სამართალდამცავებს თავისუფლების უკანონოდ აღკვეთასა და ძალადობაში ადანაშაულებს.
მისი მტკიცებით, რამდენიმე დღის წინ ის ფალიაშვილის ქუჩაზე სამმა, სამოქალაქო ფორმაში ჩაცმულმა პირმა გააჩერა, პოლიციის განყოფილებაში გადაიყვანეს და მიზეზის გარეშე სამი დღე დაკავებული ყავდათ. გასვიანი ამბობს, რომ მას სამართალდამცავებმა ფიზიკური და სიტყვიერი შეურაცხყოფა მიაყენეს, რაც პოლიტიკურ პროცესებს უკავშირებს.
გასვიანის განცხადებით, მას ამჟამად ტვინის შერყევის მძიმე ფორმა და წოლითი რეჟიმი აქვს.
ბრალდებებზე შს სამინისტროს გენერალურმა ინსპექციამ მოკვლევა დაიწყო.
