ბრიუსელმა შემზღუდავი ზომები შესაძლოა, იმ ქვეყნების წინააღმდეგ აამოქმედოს, რომლებიც ოფშორების დახმარებით ფულის გათეთრებისა და გადასახადებისგან თავის არიდების წინააღმდეგ ბრძოლაში არ ითანამშრომლებენ.
ეკონომიკურ და ფინანსურ საკითხებში ევროკომისარმა პიერ მოსკოვიჩიმ აღნიშნა, რომ პანამა იმ ქვეყნების სიაში შედის, რომლებიც გადასახადებისგან თავის არიდების ფაქტების გამოძიებაში არ თანამშრომლობს. ევროკომისარი მოუწოდებს პანამის ხელისუფლებას შეცვალოს პოზიცია, წინააღმდეგ შემთხვევაში, მისი თქმით, ქვეყანას სანქციები ემუქრება.
მოსკოვიჩის განცხადებით, ევროკავშირი მზად არის უახლოესი ექვსი თვის განმავლობაში შეადგინოს იმ ქვეყნების «შავი სია», რომლებიც ე.წ. «საგადასახადო სამოთხეს» წარმოადგენენ და ფინანსური და საგადასახადო დანაშაულების გამოძიებას ხელს არ უწყობენ.
გამომძიებელი ჟურნალისტების საერთაშორისო კონსორციუმის მიერ გამოქვეყნებული მასალების თანახმად, პანამაში რეგისტრირებულ მრავალ ოფშორულ კომპანიას მსოფლიოს ლიდერები, პოლიტიკოსები ცნობილი სპორტსმენები იყენებენ. გამოძიება პანამური იურიდიული ფორმის Mossack Fonseca-ს 11,5 მილიონი დოკუმენტის შესწვლას ეფუძნება.
