ბრიტანეთის პრემიერ- მინისტრმა დევიდ ქემერონმა აღიარა, რომ მამის მიერ დაფუძნებულ ოფშორულ კომპანიაში წილს ფლობდა, რომელიც მან და მისმა მეუღლემ 2010 წელს, 30 ათას გირვანქა სტერლინგად გაყიდეს. ქემერონმა განცხადება ბრიტანული ტელეკომპანიისთვის მიცემულ ინტერვიუში გააკეთა. შეგახსენებთ, რომ პანამის დოკუმენტების გამოქვეყნების შემდეგ, საპარლამენტო ოპოზიცია გამოძიების ჩატარებას მოითხოვს, პარლამენტის რამდენიმე წევრმა კი დევიდ ქემერონის გადადგომაც მოითხოვა.
