ღობიდან გადახედვით დარეგისტრირებული მიწების რეგისტრაციებს ვაუქმებთ მესაკუთრის უფლებების დასაცავად, - ამის შესახებ იუსტიციის მინისტრმა თეა წულუკიანმა პარლამენტში გაერთიანებული კომიტეტების სხდომაზე განაცხადა, სადაც მიწის რეგისტრაციის შესახებ კანონპროექტს განიხილავენ.
მინისტრი გეგმავს, რომ მიწის რეგისტრაციის რეფორმასთან დაკავშირებით შეხვედრები აღმოსავლეთ და დასავლეთ საქართველოს ქალაქებში გამართოს.
"ბევრი ფული დაიხარჯა არაფერში და რეალურად შედეგი ვერ მივიღეთ. დღეს ვდგავართ საჯარო რეესტრში და წინა ხელისუფლების დროს სწრაფად და ღობიდან გადახედვით დარეგისტრირებული მიწების რეგისტრაციებს ვაუქმებთ მესაკუთრის უფლებების დასაცავად. ჩვენ ეს არ გვინდა. ამიტომაც ვიფიქრეთ ამდენი და მოვიტანეთ ის, რაც ვიცით, რომ პრაქტიკაში გაამართლებს", - განაცხადა წულუკიანმა.
