დაპირისპირება არა ორ პარტიას შორის, არამედ ღირებულებით საკითხზე მოხდა. - ამის შესახებ გადაცემა 2030-ში საქართველოს პარლამენტის თავმჯდომარემ, დავით უსუფაშვილმა განაცხადა.
მისი თქმით, კვირიკაშვილსა და მთავრობის სამუშაო გეგმას პარლამენტის, მათ შორის, “რესპუბლიკური პარტიის” ნდობა აქვს და პარტნიორებთან კონსტრუქციულ თანამშრომლობა გააგრძელებენ.
„რატომ უნდა მომცეს ამომრჩეველმა ხმა ოქტომბერში, თუ აპრილში ისეთი რამ ჩავიდინე, რაც მათ ავნებს. შექმნილი ვითარება იმის ბრალი არ არის, რომ ერთმანეთი ნამეტნავად გვიყვარდა. ეს იმან მოიტანა, რომ ჩვენ აქამდე ერთმანეთის ატანა შევძელით. ახლა ვთქვით - მოდი, მომავალ არჩევნებზე ხალხმა გადაწყვიტოს, ერთმანეთი უნდა ავიტანოთ თუ არა. კოალიციაში დაწყებული პროცესი რესპუბლიკელებსა და ერთ პოლიტიკურ სუბიექტს შორის დაწყებულ დაპირისპირებად მოინათლა. არადა, ვხედავდით, რომ დაპირისპირება არა ორ პარტიას შორის, არამედ ღირებულებით საკითხზე მოხდა. როცა დავინახეთ, რომ კოალიციამ ამ საკითხზე ჩამოყალიბებული პოზიციის გამოხატვა ვერ შეძლო, ეს ჩვენთვის სერიოზული სიგნალი იყო, რომ გადატვირთვა გვჭირდებოდა“,-აღნიშნა უსუფაშვილმა.
