საქართველოს საგარეო საქმეთა მინისტრმა, მიხეილ ჯანელიძემ შეხვედრა გამართა საქართველოში აკრედიტებულ ევროკავშირის ქვეყნების ელჩებთან. შეხვედრას ასევე ესწრებოდა საქართველოში ევროკავშირის წარმომადგენლობის ხელმძღვანელი იანოშ ჰერმანი.
საგარეო საქმეთა სამინისტროს ინფორმაციით, მხარეებმა განიხილეს საქართველო-ევროკავშირს შორის ორმხრივი თანამშრომლობის საკითხები და რეგიონში უსაფრთხოებასთან დაკავშირებული თემატიკა. ყურადღება გაამახვილეს ევროკავშირისა დასაქართველოს თანამშრომლობის პრიორიტეტულ მიმართულებებსა და ევროკავშირთან სავიზო რეჟიმის ლიბერალიზაციის შემდგომი პროცედურების განხორცილების საქმეში წევრი სახელმწიფოებისმხარდაჭერის მნიშვნელობაზე.
