საქართველოში აშშ-ის ელჩის იან კელის განცხადებით, აშშ საქართველოს ნატო-ში გაწევრიანების მისწრაფებას სრულად უჭერს მხარს.
„ნატო-მ განაცხადა, რომ საქართველოს ალიანსში გასაწევრიანებლად ყველა საჭირო ინსტრუმენტი აქვს. ჩვენ ველოდებით, რომ ნატო-ს ვარშავის სამიტი დაეხმარება საქართველოს. ჩვენ მხარს ვუჭერთ საქართველოს ევროატლანტიკურ გზას“, - განაცხადა იან კელიმ ჟურნალისტებთან საუბარში.
დიპლომატის ასევე შეეხო აშშ-ში დაგეგმილ საპრეზიდენტო არჩევნების საკითხსაც და აღნიშნა, რომ აშშ-ში, პრეზიდენტობის ზოგიერთი კანდიდატის განცხადების მიუხედავად, კარგად ესმით ნატო-ს როლი და მნიშვნელობა მსოფლიოში.
