Panama Papers მონაცემებზე გამოძიება დაიწყება. ამის შესახებ საფრანგეთის პრეზიდენტმა ფრანსუა ოლანდმა ჩანაწერების კომენტირებისას განაცხადა.
Panama Papers-ის ინფორმაციას დიდი ბრიტანეთის საგადასახადო სამსახურის უფროსი ჯენი გრეინჯერიც გამოეხმაურა და განაცხადა, რომ “სასწრაფო და სრული” გამოძიება იქნება ჩატარებული პანამის ჩანაწერების მონაცემებზე.
ევროკავშირის საგადასახადო საკითხთა კომისრის პიერ მოსკოვიჩის თქმით, “საკმარისი საკმარისია” და ევროკავშირისთვის ეს არის “მშვენიერი ინფორმაცია” გამოძიების დასაწყებად.
შეგახსნებთ, რომ გავრცელებული ინფორმაციის მიხედვით, ბიძინა ივანიშვილი ბრიტანეთის ვირჯინიის კუნძულებზე ოფშორულ კომპანიას ფლობს, რომელიც პრემიერ-მინისტრობის დროს დეკლარაციაში არ წარუდგენია - საგამოძიებო ჟურნალისტების ქსელმა დაფარული მონაცემები გაასაჯაროვა, რომელიც Panama Papers-ის სახელითაა ცნობილი და მსოფლიო მასშტაბით მრავალი ადამიანის დაფარული ქონების შესახებ ინფორმაციას შეიცავს.
Panama Papers-ის ჩანაწერების მიხედვით, ევროკავშირის ფონდებიდან გახარჯული თანხების დამალული გადასახადების სახით ევროკავშირმა 70 მილიარდი ევროს ზარალი ნახა.
