"ყურადღებით ვაკვირდებით მოვლენებს" - საქართველოს გენშტაბის უფროსი ყარაბაღში შექმნილ ვითარებაზე
ყარაბაღში განვითარებულ მოვლენებს ეხმაურება საქართველოს შეიარაღებული ძალების გენერალური შტაბის უფროსი. გენერალ მაიორი ვახტანგ კაპანაძე იმედს გამოთქვამს, რომ ცეცხლის შეწყვეტა მოხდება.
"ყურადღებით ვაკვირდებით მოვლენებს, გვაქვს ძალიან მჭიდრო ურთიერთობა და კავშირი ჩვენს კოლეგებთან, როგორც აზერბაიჯანში, ასევე სომხეთში, ჩვენ ვიღებთ ინფორმაციას სრულად. იმედი მაქვს, მაინც მოხდება ცეცხლის შეწყვეტა და გადავლენ უფრო მშვიდ ფაზაში ამ კონფლიქტის დასარეგულირებლად," - განაცხადა ვახტანგ კაპანაძემ.
გენერალ მაიორი არსებულს სიტუაციაში მედიატორის როლის შესრულებას არ გამორიცხავს.
