კონსტიტუციონალისტები არ გამორიცხავენ, რომ ახალი კონფიგურაციის პირობებში, უმრავლესობას საჭირო ხმების მოგროვება გაუჭირდეს.
მათი აზრით, მყარი უმრავლესობის არარსებობა ოპოზიციისთვის იქნება ხელსაყრელი, რადგან იმ საკითხებსა თუ კანონპროექტებზე, რომელსაც აქამდე მხარდაჭერა არ ჰქონდა მმართველი გუნდის მხრიდან, ძალთა ახალი გადანაწილების შემთხვევაში, მათ ეს მხარდაჭერა შეიძლება მოიპოვონ.
"რეალურად მყარი უმრავლესობა არ იარსებებს და ყველა შემთხვევაში ხმების მოგროვება ცალ-ცალკე გახდება საჭირო. ეს ურთულებს საქმეს მმართველ გუნდს და მეტ შანსს აძლევს ოპოზიციას, რომ ის საკითხები, რომლებსაც ისინი აყენებდნენ ამ დრომდე, მაგრამ უშანსოდ გამოიყურებოდა, ახალი კონფიგურაციის პირობებში შეიძლება, რომ გაცილებით წარმატებულად დაასრულონ,“- განაცხადა ვახუშტი მენაბდემ.
კონსტიტუციონალისტები ამ ეტაპზე სამთავრობო კრიზისს გამორიცხავენ, თუმცა მიაჩნიათ, რომ შექმნილი ვითარება პრეზიდენტის პოზიციებს უფრო გაამყარებს.
