„ჩვენ გვაქვს ამბიცია, რომ დამოუკიდებლად ვიყაროთ არჩევნებში კენჭი,“ - ამის შესახებ კურიერის პირდაპირ ეთერში პარლამენტის ფრაქცია ქართული ოცნება - რესპუბლიკელების თავმჯდომარის მოადგილემ, თამარ კორძაიამ, განაცხადა და კოალიციიდან გასვლის და ხელისუფლებაში დარჩენის პრინციპები განმარტა.
თამარ კორძაია ამბობს, რომ პარტიის თავმჯდომარის განცხადება ანტისტალინისტებსა და ანტინატოელებზე მრეწველების ლიდერი, გოგი თოფაძე, იგულისხმებოდა და მათ მმართველი გუნდისა და პრემიერის საგარეო კურსთან დაკავშირებით კითხვები არა აქვთ.
„ანტისტალინისტებს და ანტინატოელებზე გაკეთებულ განცხადების დროს იგულისხმებოდა თოფაძის პარტია. ასეთი განცხადებები ზიანს აყენებს სახელისუფლებო კურს და მთლიანად ქვეყანას. მრეწველების ლიდერის განცხადებას არაერთხელ გამიჯვნია თავად უმრავლესობის წევრები, მაგალითად გია ვოლსკი. ასევე უნდა ითქვას, რომ პრემიერის პოზიციები საკმაოდ ნათელია და ის პროევროპულია, ჩვენ მის საგარეო კურსთან დაკავშირებით კითხვები არა გვაქვს,“ - განაცხადა თამარ კორძაიამ, რომელმაც აქვე ისიც დააკონკრეტა, რომ რესპუბლიკელებისა და ქართული ოცნების 2016 წლის პარლამენტში თანამშრომლობაც დამოკიდებული იქნება იმ შემადგენლობაზე, რომლითაც ქართული ოცნება პარლამენტში შევა.
