,,მრეწველებს" არჩევნებში მონაწილეობის ფორმასთან დაკავშირებით გადაწყვეტილება ჯერ არა აქვთ მიღებული. პარტიის ერთ-ერთი ლიდერი ზურაბ ტყემალაძე აცხადებს, რომ აღნიშნულთან დაკავშირებით კონსულტაციები აუცილებლად გაიმართება.
"არსებობენ განსხვავებული პოლიტიკური მიმართულების პარტიები მემარჯვენეები, მემარცხენეები, ცენტრისტები ლიბერალები და აშ. თუმცა, მათ გარკვეული საერთო აქვთ. ლიბერალებთან ჩვენ არასოდეს ვითანამშრომლებთ. ჯერ შიდაპარტიული კონსულტაციები გვექნება, შემდეგ პოლიტიკურ პარტიებთან. მოვლენებს ჯერ წინ ნუ გავუსწრებთ. პირველ რიგში განვიხილავთ კოალიციაში შემავალ პოლიტიკურ სუბიექტებს", - განაცხადა ზურაბ ტყემალაძემ.
