ადამიანის უფლებათა დაცვის კომიტეტის თავმჯდომარე ეკა ბესელია აცხადებს, რომ მორალური ტერორის ავტორები აუცილებლად იქნებიან დასჯილი. დღისათვის დაანონსებული ფარული კადრების გამოქვეყნებასთან დაკავშირებით ბესელიამ ასევე აღნიშნა, რომ აბსოლუტურად ყველა უწყება ჩართულია და მუშაობს პრევენციისთვის.
,,თუ ვინმეს ეს განზრახვა აქვს ისევ, რომ მსგავსი მორალური ტერორი განახორციელოს, მე დარწმუნებული ვარ, რომ სადაც არ უნდა იყოს ეს ადამიანი, იქნება ნაპოვნი და უმკაცრესად დასჯილი. ასე რომ, ნუ გამოცდის ნურავინ ჩვენი სამართლებრივი სისტემის ან მართლმასჯულების ხარისხს, მასშტაბს, და არეალს. ყველა შემთხვევაში, ასეთი დამნაშავე იქნება დასჯილი. პრევენციას რაც შეეხება, მე ვიცი, რომ აბსოლუტურად ყველა უწყება, ვისაც აქვს შეხება და აქვს ვალდებულება, განახორციელოს წინასწარი პრევენცია, მაქსიმალურად, რაც კი შესაძლებელია, ეს სამუშაოები უკვე მიმდინარეობს კოორდინირებულად'', - აღნიშნა ბესელიამ.
რამდენიმე ჟურნალისტეის ინფორმაციით, დღეს უკვე გავრცელდა პირადი ცხოვრების ამსახველი კიდევ ერთი ვიდეომასალა.
