თბილისის სახელმწიფო უნივერსიტეტში მინდინარე მოვლენებსა და აკადემიური საბჭის მიერ რექტორის, ვლადიმერ პაპავას, 1-ლი მაისიდან გადადგომის მხარდაჭერის საკითხს, თსუ-ს სოცოალურ და პოლიტიკურ მეცნიერებების ფაკულტეტის პროფესორი სერგი კაპანაძე ეხმიანება.
კაპანაძე აცხადებს, რომ უნივერსიტეტში "დიდი ბაკქანალიის" ეპოქა იწყება.
„ჩემი აზრით, ახლა დაიწყება "დიდი ბაკქანალიის" ეპოქა თსუ-ში. რექტორი 1-ელ მაისს მიდის. აკადემიური საბჭო 1-ელ ივლისს. კანონის მიხედვით აკადემიურ საბჭოს უნდა დაემატოს ყველა კვლევითი ინსტიტუტის წევრი, ანუ ამჟამინდელი 14 წევრის გარდა, კიდევ ერთი ამდენი დაემატება. დიდია ალბათობა, რომ რადგანაც უმცირესობაში არ უნდათ დარჩენა, ფაკულტეტის წარმომადგენლების რაოდენობაც გაიზრდება. ანუ, თსუ-ს ეყოლება მინიმუმ 30 ადამიანისგან შემდგარი არაეფექტური აკადემიური საბჭო”, - აცხადებს კაპანაძე.
კაპანაძე ყურადღებას ამახვილებს იმ გარემოებაზე, რომ ამ დრომდე არ არის არჩეული უნივერსიტეტის ადმინისტრაციის უფროსი.
„პარალელურად, ადმინისტრაციის უფროსი არ არის დანიშნული. მისი შერჩევა 10 ივნისამდე უნდა მოხდეს. რამდენად ლეგიტიმური იქნება ამ რექტორის და აკადემიური საბჭოს მიერ არჩეული ადმინისტრაციის უფროსი, ეგ კიდევ სხვა საკითხია”, - აცხადებს კაპანაძე და ხუმრობით დასძებს, - „მოკლედ, "შენ დაუკარ!" დრო დგება. არ გაგიკვირდეთ, თუ ამ ყველაფრის შედეგად ახალ რექტორად იხილოთ როინ მეტრეველი, ან გია ჟორჟოლიანი”.
შეგახსენებთ, რომ თსუ-ს აკადემიურმა საბჭომ დააკმაყოვულა ვლადიმერ პაპავას თხოვნა 1-ლი მაისიდან რექტორის პოსტიდან გადადგმონის შესახებ. რექტორის მოვალეობის შემსრულებელი 1-ელ მაისამდე იქნება არჩეული.
