მომავალ არჩევნებზე პარტიები ცალკე გავლენ თუ საარჩევნო ბლოკში იქნებიან, ამის თაობაზე ყველა პარტია მსჯელობს, მათ შორის, „რესპუბლიკური პარტია“, - განაცხადა პარლამენტის თავმჯდომარემ დავით უსუფაშვილმა.
მისი თქმით, „რესპუბლიკური პარტია“ კოალიციაში არჩევნებიდან არჩევნებამდე პერიოდით გაერთიანდა და ზოგადად, კოალიციები სხვა ტიპის გაერთიანებებისგან სწორედ ამით განსხვავდებიან.
მისი თქმით, „რესპუბლიკური პარტია“ არ განიხილავს კოალიციიდან, უმრავლესობიდან, მთავრობიდან გასვლის საკითხს.
„ახალი არჩევნები მოახლოვდა. ახალი არჩევნებისთვის მზადება ყველა პოლიტიკური პარტიის ვალდებულებაა, არათუ უფლება. მომავალ არჩევნებზე პარტიები ცალკე გავლენ, საარჩევნო ბლოკში იქნებიან თუ როგორ იქნებიან, ამაზე ყველა პარტია მსჯელობს. მათ შორის, „რესპუბლიკური პარტია“. ჩვენ ამას ვფიქრობთ, არა მხოლოდ ინდივიდუალურ რეჟიმში, არამედ პროცესებს კოალიციაშიც ვაკვირდებით”, - განაცხადა უსუფაშვილმა.
