1991 წლის 31 მარტს საქართველოს დამოუკიდებლობის შესახებ გამართული საყოველთაო რეფერენდუმის 25 წლისთავთან დაკავშირებით, საქართველოს ლიბერალ-დემოკრატიული პარტიის თავმჯდომარე მუხრან ბურჭულაძე განცხადებას ავრცელებს:
„ხვალ 31 მარტია, ამ დღეს ავირჩიეთ თავისუფლება და ახლა გვევალება ამ არჩევანის ღირსეული დაცვა. ქართველებს განსაკუთრებული დამოკიდებულება გვაქვს ეროვნული სიმბოლოების მიმართ. თავისუფლება თითოეული ჩვენგანის უმთავრესი ღირებულებაა და ამის ნათელი მაგალითია ქართველი ერის თავდადება და საქართველოს პირველი პრეზიდენტის ცხოვრებაც. მას თარიღების მიკერძოებაში და სიმბოლოებით აზროვნებაშიც სდებდნენ ბრალს. ზოგს ავიწყდება, რომ ადამიანი სიმბოლოებით მოაზროვნე არსებაა და ამით განვსხვავდებით პირუტყვისგან. მთავარია არ დაგვავიწყდეს რა არის ჩვენი ეროვნული მისია და იდეა, რომელზეც დგას ქართული სახელმწიფო. სწორედ ხვალ მე და ჩემი გუნდი ვმართავთ ჩვენი გაერთიანების ყრილობას და მინდა ჩემს უძვირფასეს, უერთგულეს თანამებრძოლებს, თითოეულ მამულიშვილს მხნეობა და სიმტკიცე გისურვოთ”, - ნათქვამია მუხრან ბურჭულაძის განცხადებაში.
შეგანხსენებთ, რომ რეფერენდუმში მონაწილეობა მიიღო 3.302.302-მა ამომრჩეველმა (90,3 პროცეტი). მასში მონაწილეობდა სამხრეთ ოსეთის ყოფილი ოლქისა და აფხაზეთის ავტონომიური რესპუბლიკის მოსახლეობაც.
რეფერენდუმის შეკითხვას _ "ხართ თუ არა თანახმა, რომ აღდგეს საქართველოს სახელმწიფოებრივი დამოუკიდებლობა 1918 წლის 26 მაისის აქტის საფუძველზე?" _ საქართველოს საარჩევნო ხმის უფლების მქონე მოსახლეობის (მათ შორის აფხაზებმა და ოსებმა) 98 %-მა პროცენტმა დადებითი პასუხი გასცა.
