კონფლიქტების მოგვარება საქართველოს ტერიტორიული მთლიანობის ხარჯზე არ მოხდება, - ამის შესახებ საქართველოს პრემიერ-მინისტრმა, გიორგი კვირიკაშვილმა ტელეკომპანია CNN-ისთვის მიცემულ ინტერვიუში განაცხადა და აღნიშნა, რომ საქართველომ უნდა აჩვენოს კონფლიქტის მშვიდობიანი, კონსტრუქციული გზით მოგვარების მზადყოფნა.
”საქართველოს ტერიტორიების 25 პროცენტი ოკუპირებულია რუსეთის მიერ. მიუხედავად ამისა, ჩვენ უნდა ვაჩვენოთ კონფლიქტის მშვიდობიანი, კონსტრუქციული გზით მოგვარების მზადყოფნა. მეორე მხრივ, ეს არავითარ შემთვევაში არ მოხდება საქართველოს ტერიტორიული მთლიანობისა და სუვერენიტეტის ხარჯზე, რაც გულისხმობს ჩვენს სუვერენულ არჩევანს ევროპულ თუ ევროატლანტიკურ სივრცეში გაწევრებასთან დაკავშირებით", - განაცხადა საქართველოს პრემიერ- მინისტრმა.
