სირიის სამთავრობო ჯარებმა რუსეთის სამხედრო დახმარებით, საბოლოოდ გაათავისუფლეს ექსტრემისტებისგან ისტორიული ქალაქი პალმირა. ამის შესახებ სირიის სახელმწიფო მედია იუწყება.
26 მარტს სირიის სამთავრობო ძალებმა და მისმა მომხრე სახალხო ლაშქარმა ექსტრემისტებისგან გაანთავისუფლეს დასავლეთ პალმირის ისტორიული ციტადელი, რომლის თავზეც ჯარისკაცებმა სირიის სახელმწიფო დროშა აღმართეს.
ბრიტანეთში მოქმედი „ადამიანის უფლებათა ობსერვატორიის“ ცნობით, ქალაქის მახლობლად ჯერ კიდევ ისმის სროლის ხმა, თუმცა ექსტრემისტების ძირითადმა ძალებმა პალმირა დატოვეს და აღმოსავლეთით გადაჯგუფდნენ.
ექსტრემისტულმა დაჯგუფება "ისლამურმა სახელმწიფომ“ პალმირა 2015 წლის მაისში აიღო და გაანადგურა იუნესკოს მსოფლიოს კულტურული მემკვიდრეობის ძეგლთა სიაში შეტანილი არაერთი მონუმენტი.
