,,თავისუფალი დემოკრატების“ თბილისის ორგანიზაციის facebook გვერდზე კიბერ თავდასხმა მოხდა. პარტიაში აცხადებენ, რომ გვერდის ადმინისტრატორი დაკითხვაზე დაიბარეს.
მათი ინფორმაციით, დღეს დილიდან საიტის ადმინისტრატორებმა ვეღარ განახორციელეს გვერდის მართვა. ჰაკერებმა წაშალეს გვერდის პროფილისა და ე.წ. ქავერ ფოტოები, თუმცა დანარჩენი შინაარსი ამ ეტაპზე შენარჩუნებულია. ასევე შეცვლილია საიტის სახელი და მას ,,ირაკლი ალასანია თბილისის გვერდის” ნაცვლად ,,ირაკლი ეს საქართველოა“ დაარქვეს. პარტიაში ვარაუდობენ, რომ ჰაკერებმა გვერდი წუხელ, შუაღამით გატეხეს.
