ბრიუსელში, ევრონესტის საპარლამენტო ასამბლეაზე მყოფი ქართველი დეპუტატები და პარლამენტის თანამშრომლები ახლოს იმყოფებიან იმ ადგილთან, სადაც მეტროში აფეთქება მოხდა, თუმცა ისინი არ დაშავებულან, - ამის შესახებ პარლამენტის ევროპასთან ინტეგრაციის კომიტეტის თავმჯდომარემ ლევან ბერძენიშვილმა განაცხადა.
,,მათ არანაირი საფრთხე არ ემქურებათ, მაგრამ ისინი ძალიან ახლოს იმყოფებიან იმ ადგილთან, სადაც მეტროში აფეთქება მოხდა. ჩვენი წარმომადგენლები არ დაშავებულან და მათთან დაკავშირებით ინციდენტს ადგილი არ ჰქონია", – აღნიშნა ბერძენიშვილმა.
ბრიუსელში საქმიანი ვიზიტით იმყოფებიან: ვიქტორ დოლიძე, ფრიდონ საყვარელიძე, გია ჟორჟოლიანი, გიორგი ჟვანია, ანი მიროტაძე, გიორგი ვოლსკი, ეკა ბესელია, გუგული მაღრაძე, დავით დარჩიაშვილი, ჩიორა თაქთაქიშვილი, ლევან თარხნიშვილი, გიორგი კანდელაკი, თინათინ ბოკუჩავა. მათთან ერთად არიან პარლამენტის აპარატის თანამშრომლებიც.
