ამერიკის სახელმწიფო მდივანი საქართველოში სავარაუდოდ ივნისში ჩამოვა, ამის შესახებ ,,რუსთავი 2“-ის ინფორმაციით, საქართველოში აშშ-ის ელჩმა, იან კელიმ განაცხადა. მისი თქმით, ჯონ კერიმ საქართველოში სტუმრობის სურვილი ვაშინგტონში საქართველოს საგარეო საქმეთა მინისტრ, მიხეილ ჯანელიძესთან შეხვედრის შემდეგ გამოთქვა.
“ როდესაც სახელმწიფო მდივანმა საქართველოში ჩამოსვლის სურვილი გამოთქვა მეც ვაშინგტონში ვიყავი. მიხეილ ჯანელიძესთან შეხვედრის შემდეგ ჯონ კერი მე პირადათაც მესაუბრა ამ ვიზიტის შესახებ და სავარაუდო თარიღად ივნისის თვე დამისახელა, მაგრამ ზუსტი დრო ჯერ არ ვიცი, ამიტომ შეხვედრების ზუსტი განრიგი ამ ეტაპზე არ მოგვიმზადებია” - განაცხადა იან კელიმ.
