2015 წლის მონაცემებით, აჭარისთვის ნომერ პირველი ინვესტორი ქვეყანა ნორვეგია/ინდოეთი და თურქეთია, მათზე კერძო პირდაპირი ინვესტიციების 39-39%-ი მოდის. ავსტრიაზე - 7%-ი, დიდ ბრიტანეთზე - 5%-ი, აზერბაიჯანზე - 4%-ი, რუსეთზე - 3%-ი, ესტონეთზე - 2%-ი, ხოლო სხვა დანარჩენ ქვეყნებზე კი საერთო კერძო პირდაპირი ინვესტიციების 1%-ი.
შეგახსენებთ, რომ აჭარაში ინვესტიციების მოცულობას ისევ მზარდი ტენდენცია აქვს. 2015 წელს 2014 წელთან შედარებით, აჭარაში კერძო პირდაპირი ინვესტიციების მოცულობა 33 %-ითაა გაზრდილი. აჭარის ფინანსთა და ეკონომიკის სამინისტროს ინფორმაციით, 2015 წელს ავტონომიური რესპუბლიკის ტერიტორიაზე 366 მლნ აშშ დოლარის ოდენობის კერძო პირდაპირი ინვესტიცია განხორციელდა, საიდანაც 87 მლნ აშშ დოლარი ადგილობრივი წარმოშობისაა, ხოლო 279 მლნ აშშ დოლარი შეადგინა უცხოურმა პირდაპირმა ინვესტიციებმა (FDI). 2014 წელს აჭარაში სულ 276 მლნ დოლარის კერძო პირდაპირი ინვესტიციის შემოდინება დაფიქსირდა.
