აშშ-ის პრეზიდენტი ბარაკ ობამა იწყებს ორდღიან ვიზიტს კუბაში, რომელსაც უკვე ეწოდა ისტორიული. ,,ბიბისი“ წერს, რომ ის მოლაპარაკებებს გამართავს კუბის ლიდერ რაულ კასტროსთან, ასევე, ბიზნესწრეებისა და სამოქალაქო საზოგადოების წარმომადგენლებს შეხვდება. დაგეგმილია აშშ-ის პრეზიდენტის პირდაპირი ჩართვა ადგილობრივი ტელევიზიის ეთერში.
ობამას მრჩეველი ამბობს, რომ არ იგეგმება შეხვედრა ფიდელ კასტროსთან, რადგან ეს საკითხი არ დასმულა არცერთი მხრიდან.
1928 წლის შემდეგ ეს თეთრი სახლის მმართველის პირველი ვიზიტია მეზობელ სახელმწიფოში. 2002 წელს კუბაში მხოლოდ აშშ-ის ყოფილი პრეზიდენტი ჯიმი კარტერი იმყოფებოდა. კუბის ლიდერები ამერიკის შეერთებულ შტატებში არაერთხელ იმყოფებოდნენ, თუმცა გაერო-ს გენერალურ ასამბლეაზე დასასწრებად.
