რუსეთის საგარეო საქმეთა მინისტრის მოადგილის გრიგორი კარასინის განცხადების შემდეგ, საქართველოდან მომდინარე საფრთხეებზე ოკუპირებული აფხაზეთის დეფაქტო საგარეო საქმეთა მინისტრი საუბრობს.
,,რია ნოვოსტისთვის“ მიცემულ ინტერვიუში ვიაჩესლავ ჩირიკბამ განაცხადა, რომ საქართველო შესაფერის მომენტს ელის - “შეეცადოს ძალით დაიბრუნს კონტროლი ამიერკავკასიაში ორ ახალგაზრდა სახელმწიფოზე”. მისი თქმით, საქართველოს უარი აფხაზეთსა და სამხრეთ ოსეთთან სამშვიდობო შეთანხმებაზე მეტყველებს მის "რევანშისტულ განზრახვებზე".
“საქართველო ჯიუტად აცხადებს უარს ამ შეთანხმების ხელმოწერაზე, რაც არ შეიძლება, არ მეტყველებდეს მის რევანშისტულ განზრახვებზე”, - აღნიშნა ჩირიქბამ. ამავე დროს, აფხაზური მხარე მიიჩნევს, რომ ძალის გამოუყენებლობის შესახებ შეთანხმების ხელმოწერის გარეშე ურთიერთობების ნორმალიზება შეუძლებელია. “სამწუხაროდ, პოსტკონფლიქტური სიტუაცია მცირე ოპტიმიზმის საფუძველს გვაძლევს”, - განაცხადა არაღიარებული რესპუბლიკის დეფაქტო მინისტრმა. “ამავე დროს ყველა პლატფორმაზე მიმდინარეობს აქტიური საინფორმაციო ომი აფხაზეთის და სამხრეთ ოსეთის წინააღმდეგ, ხორციელდება მათი მაქსიმალური საერთაშორისო იზოლაციის მცდელობები. თუმცა ეს საბოლოოდ კონტრპროდუქტიულ შედეგს იღებს თავად საქართველოსთვისაც”, - ვიაჩესლავ ჩირიკბამ.
ვიაჩესლავ ჩირიკბას ვიზიტი მოსკოვში 17-18 მარტს შედგება. დაგეგმილია მისი რუსეთის საგარეო საქმეთა მინისტრთან სერგეი ლავროვთან შეხვედრა.
რუსეთთან სავიზო რეჟიმის გაუქმების მოლოდინის ფონზე, გრიგორი კარასინმა ჟენევაში განაცხადა, რომ მთავარი საფრთხე საქართველოში მოსალოდნელი საპარლამენტო არჩევნებია.
,,ამ კუთხით საქართველოში გაზრდილი პროვოკაციული ანტირუსული განცხადებები ხელისუფლების მხრიდან და პრეზიდენტისგანაც კი. ახლა ვდგავართ წყალგამყოფის წინაშე, ან ვუბრუნდებით კონფრონტაციის პერიოდს ან დავალაგებთ ურთიერთობებს. თავდაცვის მინისტრი მოუწოდებს მსოფლიოს რუსეთის საფრთხის წინაშე გაერთიანებას, ასეთი განცხადებები არაა საპატიებელი, ჩვენ ჯერ თავს ვიკავებთ, მაგრამ ვშიშობ, რომ ჩვენს მოთმინებასაც აქვს საზღვარი”, - განაცხადა კარასინმა,
