ქალაქ სეულში ომის შეწყვეტისა და მსოფლიო მშვიდობის დამყარების დეკლარაციას მოეწერა ხელი. ამ ყოველივეს ინიციატორი კი სამშვიდობო ორგანიზაცია HWPL გახლავთ. საზეიმო ცერემონიაში მონაწილეობა მსოფლიოს 50-ზე მეტი ქვეყნიდან, რამოდენიმე ასეულმა ადამინიმა მიიღო. მათ შორის იყვნენ სხვადასხვა ქვეყნის მინისტრები, საერთაშორისო სამართლის ექსპერტები, ამერიკელი იურისტები, ჟურნალისტიკას და იურიდიული ფაკულტეტების პროფესორები, ასევე გაეროს საერთაშორისო სამართლის კომისიის წარმომადგენლები.
ამ დოკუმენტს ორგანიზაციის წარმომადგენელთან ერთად ხელი მოაწერეს სხვადასხვა ქვეყნის მაღალჩინოსნებმა და წარმომადგენლებმა. HWPL-ის ხელმძღვანელი ბატონი მან ჰი ლი გახლავთ. მან ღონისძიების შემდგომ გამართულ პრესკონფერენციაზე მედიის წარმომადგენლებს განუმარტა წარდგენილი დეკლარაციის მნიშვნელობა:
„მე ხშირად მეკითხებიან თუ რა განსხვავებაა ჩვენს მიერ შემუშავებულ დეკლარაციასა და უკვე არსებულ კონვენციებს შორის. მინდა გითხრათ, რომ არსებული კანონს შეუძია მინიმუმამდე დაიყვანოს კონფლიქტის მიერ მოყენებული ზიანი და მსხვერპლი. დღეს გამოცხადებული დეკლარაცია კი მოგვცემს საშუალებას თავად ომის დაწყება შევაჩეროთ. ჩვენ და ჩვენი შვილობილი ორგანიზაციები შევეცდებით დავამკვიდროთ ეს ინიციატივა. მას შემდეგ რაც დეკლარაცია იქნება მიღებული სახელმწიფოების მიერ ჩვენ არ უნდა შევწყვიტოთ თანამშრომლობა გაეროსთან და გვჯერა რომ მსგავსი ნაბიჯებით შევძებთ ომის აცილებას“ - განაცხადა მან ჰი ლიმ.
პრესკონფერენციაზე ორგანიზაციის წარმომადგენლებთან ერთად იმყოფებოდნენ ის მარალჩინოისანი პირებიც რომლებმაც ერთერთმა პირველებმა მოაწერეს ამ დოკუმენტს ხელი. მან ჰი ლისთან ერთად მათაც უპასუხეს ჟურნალისტების შეკითხვებს. ერთერთი მადგანი გახლავთ - ფატი კამიჩა, საერთაშორისო საკონსულოს წარმომადგენელი კომერციული არბიტრაჟიდან. „ამ ორგანიზაციას უკვე აქვს ხელთ ყველა ის შესაძლებლობა რომელიც დაეხმარება მას დაამკვიდროს ეს დეკლარაცია. რაც მთავარია მათ ყავთ უკვე ბევრი ქომაგი, რომელთა რიცხვიც დღითიდღე იზრდება. “
დეკლარაცია გახლდათ შედგენილი გაეროსა და სხვადასხვა საერთაშორისო სამშვიდობო ორგანიზაციის კანონმდებლობის საფუძველზე. მისი მთავარი ამოცანაა კონფლიქტური სიტუაციების წამოწყების აღმოფხვრა და მათი მსხვერპლის გარეშე გადაჭრა. ასევე მომავალში ისეთი რეგულაციების შემოღება, რომლის მეშვეობითაც სახელმწიფოები საკუთარ თავზე იღებენ ვალდებულებას არ აწარმოონ სამხედრო შეტევები სხვა ქვეყნებზე და ასევე შეწყდეს იარაღის წარმოება. დეკლარაციაში აქცენტი გაკეთდა მედის თავისუფლებასა და აზრის თავისუფალი გამოხატვის საშუალებას. ადგილი დაეთმო ასევე რელიგიური კონფლიქტების მშვდიბობიანი მოგავრებასაც, რომლის მიხედვითაც თითოეული ადამიანის უფლება, განურჩევლად მრწამსისა უნდა იყოს თანაბრად დაცული და არ უნდა ხდებოდეს მისი შევიწროვება.
აღსანიშნავია, რომ ეს დოკუმენტი გადაეგზავნება ყველა მსოფლიო ლიდერს ხელმოსაწერად, მათ შორის საქართველოს პრეზიდენტსაც, გიორგი მარგველაშვილსაც.
შეგახსენებთ, HWPL გახლავთ არასამთავრობო ორანიზაცია, რომელიც აერთიანებს მშვიდობისათვის, ყველა ნაციონალობის ადამიანებს, სხვადასხვა ერების ლიდერებსა და რელიგიურ წარმომადგენლებს, მთელი მსოფლიოს მასშტაბით. მისი მთავარი მიზანია - მშვიდობა მთელს მსოფლიოში და კონფლიქტებისა და ომის აღმოფხვრა კონფლიქტური სიტუაციების გარეშე. ამ მისიის გასავრცელებლად შარშან სექტმბერში, სეულში, სამხრეთ კორეის დედაქალაქში, გაიმართა ფორუმი, რომელშიც მონაწილეობა 64 ქვეყნის 300-მდე ლიდერმა მიიღო მონაწილეობა. დღესდღეისობით ორგანიზაციის წევრები გახლავთ 30 000 ახალგაზრდა მსოფლიოს 130 ქვყნიდან.
