"ეს არის კა-გე-ბეს მეთოდი," - ასე აფასებს თავისუფალი დემოკრატების ლიდერი, ირაკლი ალასანია, პირადი ცხოვრების ფარული ჩანაწერების გავრცელების ფაქტებს. შესაბამისი უწყებების პასუხისმგებლობის შესახებ ირაკლი ალასანიამ გადაცემა ”არჩევანში” ისაუბრა.
ალასანია გამოძიების დროულად დასრულებას ითხოვს და სპეცსამსახურების ხელმძღვანელების გათავისუფლებას ითხოვს.
"ეს არის კა-გე-ბეს მეთოდებით ქვეყნის მართვა. ასე აგრძელებს მუშაობას ხელისუფლების ნაწილი. ღრმად მწამს, რომ ასეთ საქმეებში თავს არ გაიხვევს დღევანდელი პრემიერ-მინისტრი, მაგრამ როდესაც ასეთი რამეები კეთდება მისი ზურგის უკან, ეს არ ამართლებს უმოქმედობას. უნდა დავინახოთ შედეგი. უნდა სასწრაფოდ მოხდეს საქმეების გამოძიება და შესაბამისი უწყებების ხელმძღვანელების პასუხისმგებლობის საკითხი დადგეს,“ - განაცხადა ირაკლი ალასანიამ.
