პირადი ცხოვრების ამსახველი ჩანაწერების გამოქვეყნების საკითხზე, "თავისუფალი დემოკრატები" პრემიერ მინისტრთან შეხვედრას ითხოვენ.
დღეს გამართულ ბრიფინგზე პარტიის ერთ-ერთმა ლიდერმა ირაკლი ჩიქოვანმა განაცხადა, რომ მათ შემუშავებული აქვთ წინადადებათა პაკეტი, რომელიც აღნიშნულ დანაშაულთან ბრძოლის სამოქმედო გეგმას გულისხმობს.
"ჩვენ საჯაროდ მივმართავთ საქართველოს პრემიერ მინისტრს და ვთხოვთ დაუყოვნებლივ კონსულტაციას მასთან, რათა ერთიანი პასუხი გავცეთ იმ საფრთხეს, რომელიც მიმართულია "თავისუფალი დემოკრატების" წინააღმდეგ და ასევე აბსოლუტურად მთელი სახელმწიფოს წინააღმდეგ. "თავისუფალ დემოკრატებს" შემუშავებული გვაქვს წინადადებათა პაკეტი, რომელიც არის კონკრეტული სამოქმედო გეგმა თუ როგორ უნდა ვებრძოლოთ ამ დანაშაულს და ჩვენი წინადადებათა პაკეტი მოიცავს კომპლექსურ ღონისძიებებს, რომლებიც სწრაფად უნდა გავატაროთ მთლიანად სახელმწიფომ. ამ ამაზრზენი დანაშაულის წინააღმდეგ ბრძოლა უნდა იყოს ეფექტური და უსწრაფესი", - განაცხადა ჩიქოვანმა.
იგი მიიჩნევს, რომ ,,შოთაძის პროკურატურა“ ამ დანაშაულს ვერ გამოიძიებს, რადგან მოქმედი
ხელისუფლების ნაწილს მონაწილეობა აქვს მიღებული დანაშაულში.
და ზუსტად აქედან და ამ ყველაფრის გათვალისწინებით, შოთაძის პროკურატურა ამ საკითხის გამოძიებას ვერ შეძლებს.
,,მნიშვნელოვანია, რომ საზოგადოებაში, ჩვენ ქვეყანაში, ერთხელ და სამუდამოდ შეწყდეს ასეთი საქციელი და ერთიანად დავასრულოთ ასეთი ბინძური კამპანია", - განაცხადა ჩიქოვანმა.
